Kewar

Hunermend ew kesê ku hest û ramanên wî zindî; xwedî kesayeteke xwemalî, nêrîneke gerdûnî û rênîşandar e. Hunermend ew kesê ku pêşeng e, li gor hemdemên xwe kesayeteke wêrek û dûrbîn e. Hunermend ne ew kesê ku kerr, kor û lalê serdema xwe ye; bi her awayî hîşyar e; bi berhem û kesayeta xwe li hember neheqîyan têdikoşe û xwedî sekn û helwesteke ye. Hunermend, ji statuya xwe ya civakî haydar e û pêwist e ku xwe asteke di ser sîyasetê ra bibîne û zimaneke bijehr bi kar neyne. Hunermend ew kesê ku li hember nirxên civakî û mafê takekesan rêzdar û baldar e. Hunermend ew kesê ku ji dayîna şîretên hişk û tal dûr disekine ye; çavdêrî, rexne û pêyamên xwe bi zimanekî nerm û şêrîn weke ekl û tama di fêkîyan da veşartî û nepen radigihîne mirovan e. Hunermend; rewşenbîr e, rolmodel e, avaker e, ne wêranker e.

Serwet Ornek; di sala 1966an da li gundê Çêrmê yê Kanîreşa Çewlîgê ji dayîk bûye. Di navbera 1984 û 1988an da li zanîngeha Firatê, di beşa Ziman û Wêjeya Tirkî da perwerda lîsansê kuta kir. Di sala 2014an da li zanîngeha Artukluyê, di beşa Ziman û Çanda Kurdî da mastira xwe kuta kir. Ji 1988an vir va mamostetîya lîseyê dike. Ew zewicandî ye û bavê du zarokan e û li Amedê dijî.
Berhemdarî:
Ceribandinek li ser Hevoksaziya Kurmancî, Weşanên J&J, 2017 – Amed
 Çapa Duyem (Lêkolîn), Weşanên J&J, 2018 – Amed
 Çapa Sêyem (Lêkolîn), Weşanên J&J, 2022 – Amed
 Çapa Çarem (Lêkolîn), Weşanên J&J, 2025 – Amed
Netewe û Neteweperwerî (Lêkolîn), Weşanên J&J, 2022 – Amed
Kewar (Lêkolîn), Weşanên J&J, 2022 – Amed